悲情城市?
鄉下地方?
定係 "喂, 係我屋企嚟喎, 唔好亂講嘢!!!"


天水圍, 幾年前坐人車入元朗食壽司經過, 入去濕地公司時一定要去.......

但去扭波, 第一次!



初時入到去拎住啲波跟Odie出去, 係想當平時出function咁做, 但係, 因為冇申請俾人趕, 就知要暗地裡做唔好咁揚.......


行到去中央公園, 轉咗係扭咗先, 送俾大人同小朋友, 其他細路都會一窩蜂走過嚟............



扭波, 係人同人的interactive, 讓扭波者知道接受呢一份禮的人的性格......

同時, 扭波者可以按心情做事, 問心, 想扭咩就扭咩, 當然都要顧及小朋友的要求啦......



喺公共屋邨扭波, 可能係父母唔理, 又或者諗住係屋企留下, 唔理呢班細路都ok, 但實際上......
因為父母唔理, 連基禮貌都冇, 亦冇太大的規矩, 好似係自己大晒咁......不過, 仍然係一班相對較純的小朋友, 唔係太識去串人, 唔會用不肖的眼光或言語話 "乜你咁慢0架"......
如果有人肯用心去教, 佢哋都可以係一班幾乖同幾有禮貌的小朋友嚟0既!


到咗中央公園, 我哋去咗一個較偏的遊樂場扭波, 可能太遠, 太靜, 又或者小朋友太細, 小朋友雖然年紀細細, 但都好乖好聽話好得意......
初時啲小朋友都好奇怪, 點解會有人坐低扭波, 後尾望望吓小朋友慢慢走晒嚟等波, Zindy由試扭都變成一齊扭, 而小朋友喺收到波的時候都好開心~~~~

到截龍的時候, 有小朋友話 "你個袋都仲有波", 服咗呢個小朋友......我嗰時其實都幾攰都想停手......結果 Odie 答佢 "夜嘞, 我哋要返屋企啊, 我哋扭咗好耐嘞", 結果成功截龍~~~~~~



初時compare呢兩批小朋友, 或者你會覺得, 中央公園的小朋友好乖好乖, 佢哋只有兩至五歲左右, 而公共屋邨的則是較為曳, 而佢哋係大約六至十歲嘞......


不過諗深一層, 其實小朋友都係一張白紙, 只差, 有冇人肯用心慢慢教佢哋, 有的話, 佢哋都可以好乖!!!!!!!!!!!!


希望啲父母唔好將教仔的工作轉交傭人或老師, 如果同小朋友最close的人都唔做好個榜樣出嚟, 小朋友咪只會做一隻copy cat 將父母的做法一字不漏的apply去自己身上..............


但............有幾多人真係做到呢???????